屋企裝修到咁上下，通常做完油漆，入傢俬之前就到裝電制面板，所以喺做緊油漆嘅時候，師傅就會叫你揀好你中意嘅電制面板，等佢去買嚟裝或者你買畀佢裝。
有啲人可能出去水電鋪行下，聽下鋪頭啲人介紹。
或者有啲人會喺網上搵資料，如果你就係因為咁而睇到我哋呢篇文章，以下落嚟就等我哋介紹返香港常見嘅電制面板牌子，等你出到去都有啲方向啦！
香港常見電制面板牌子有呢啲：
Schneider施耐德電氣
Legrand羅格朗
MK
Hager 海格
Junon俊朗
Clipsal奇勝
ABB
SIEMENS 西門子
Fungyip 豐葉牌
Philips飛利浦
BG
M2K
我哋網店都有賣其中6隻牌子，歡迎㩒入去睇下圖片先。
以上10幾隻牌子話多唔多，話少唔少，不過唔係呢行做開，你未必會識得佢哋。
就等我嚟逐個牌子同你簡單介紹下啦！
法國牌子，係目前喺香港電制面板市場市佔率最高嘅公司，酒店、樓盤項目，你總會見到Schneider嘅身影。
喺舊時，香港有隻非常出名嘅澳洲牌子叫做奇勝Clipsal，後來被Schneider收購咗之後，發展成而家嘅Schneider。
由繼承Clipsal至到而家，出過好多隻唔同系列嘅電制，款式顏色都非常多樣化，由平價款、經典款、設計款、高貴款都有，實有一款襯得到你屋企嘅設計。
2024年最新推出嘅AvatarOn C奐然系列，已經即刻成為熱賣款，尤其佢嘅白色啞面設計非常特出。
就算係上一代嘅AvatarOn奐尚系列，仍然大量被設計公司指定採用。
法國牌子，亦都係相當出名嘅一隻牌子，行中高至中價市場。
近五年已經出咗兩隻新款，設計時尚型格，每款顏色選擇多。唔覺有啲咩廣告，但係捧場客非常多，尤其經常見到設計公司採用。
Galion呢個系列嘅深沙銀為代表作，曾經一段長時間受熱烈追捧而斷市。
Mallia Senses出咗冇耐，佢嘅啞面白色設計曾經係市場上最佳選擇而開始受到注目，銷量節節上升。
本身係英國牌子，後來畀美國公司Honeywell收購咗，仍然係好多社區、政府項目嘅指定牌子。
行中價市場，款式唔多，但係襟用實際，質素穩定。
廣告宣傳比較少，見光率唔高，但係質素絕對唔曳。
最新嘅Aria雅緻系列，已經成功喺電制市場分一杯羹，
德國牌子，家用配電箱市場最多師傅用嘅牌子。
講到電制面板，經常見到用喺公屋居屋嘅入伙配置，質素穩定。
本身以低價基本款式為主，但係即將上市嘅中檔Dream系列睇嚟都可以挑戰下。
中國牌子，係電工師傅圈子相當出名嘅一隻牌子。
本身行超低價市場，只有實用款唔求設計，但係近排開始出一啲有款有設計嘅系列，仍然算係低價。
天悅系列就係當中嘅代表。
Clipsal奇勝
Clipsal本身係澳洲牌子，曾經係香港最出名嘅牌子，不過後來畀Schneider收購咗，所以依家市面上已經冇咗Clipsal呢隻牌子，全部統一以Schneider名義出品。
ABB
瑞士牌子，香港電制市場嚟講冇上面嘅牌子咁熱門。
但係近排開始多咗推廣，又有新系列上市，行中低價市場，似乎係可以期待嘅一隻牌子。
SIEMENS 西門子
德國牌子，家電非常出名，電制都做埋。
喺社交平台會見到佢嘅廣告，行中高價市場，注目度唔低。
Philips飛利浦
荷蘭牌子，照明市場最出名係佢。
講到制面市場，以前有一段時間出過電制，但係後尾冇再做推廣。
Fungyip 豐葉牌
香港牌子，以實用款為主，行低價市場。
BG
英國牌子，以金屬鋼面出名，防撞防刮，行高價市場，有唔少人會自己喺Amazon訂返嚟。
M2K
香港牌子，專做帶USB插口嘅插座，行中價市場，常見於香港各大腦場。
地址：
新蒲崗康強街28號地鋪（門市）
新蒲崗爵祿街37號百勝工業大廈地下（貨倉）
查詢電話：
2465 8256 (Tel)
5540 1982 (Whatsapp)
Comments