揀電制面板係一項都幾重要嘅決定，因為你每日一返屋企第一樣要做嘅就係開燈。
所以使用量非常高，日對夜對之餘，直接影響你成間屋電力系統嘅安全性同可靠性。 喺揀電制面板時，你需要考慮以下幾點：
功能需求：
首先，你要確定你要嘅電制面板需要滿足邊啲功能。
因為，正常牌子都會有燈掣、插座、雙極開關、接線蘇類別嘅電制，相信任何一隻牌子都滿足你嘅基本需要，只不過如果你要多少少進階嘅嘢，好似調光暗嘅Dimmer、特大Amp數嘅雙極開關、窗簾制、智能面板、鬚刨蘇等等比較特殊嘅電制，就要睇下邊隻牌子邊隻系列嘅電制有提供你想要嘅功能。
規格：
你需要確定電制面板需要符合邊啲規格。
我哋香港係行英規標準86型電制嘅，喺香港賣得嘅電制大部份都係呢個標準嘅。
如果方型3腳插就會係13A，呢方面就冇得改㗎喇。（萬用腳嗰啲機電署唔畀賣㗎）
如果講緊燈掣、雙極開關（燈曲）、接線蘇，好多時候都會有唔同Amp數嘅選擇。
正常嘅師傅會幫你計算你用啲咩電器需要用到幾大Amp數嘅電制，如果你有啲咩負荷特別大嘅電器，就要睇下邊隻牌子幫到你喇。
外觀：
電制除咗功能性，其實最重要就係外型，啫係個樣。我哋建議滯咁望個電制個樣之外，其實更加重要嘅係感受下呢款電制，襯唔襯你成間屋個設計感覺。
外觀上面，大致可以咁樣分類。
顏色：白色、黑色、金色、灰色、銀色、古銅色、粉紅色等等
設計：闊框、窄框、無框、曲面、直面等等
指示燈：有、無
材質：塑料、金屬
不過款式花多眼亂，唔知點樣入手好？
呢方面，大家可以試下我哋網站嘅配色系統，試下配上唔同嘅油漆、傢俬顏色之後，你嘅電制應該用邊隻款至好睇。
品牌同品質：
揀返啲有信譽嘅品牌，確保佢哋出產嘅電制品質可靠。香港常見嘅電制牌子介紹，可以睇返呢篇文章。
不過隻隻牌子都話自己有幾好，攞幾多認證，出廠有幾嚴謹，我哋建議你可以喺網上搵返啲真實用家嘅產品評價比較下。
成本：
你需要比較唔同品牌唔同系列嘅價錢，揀返適合你預算嘅電制，因為要平可以好平，十幾蚊個都有，要貴又可以好貴，幾百蚊個咁。
不過請記得一樣嘢，最平嘅電制唔一定係最好嘅選擇，但係亦都唔使買最貴嘅電制，最緊要係啱用、安全、靚！
最後，揀電制面板嘅時候，記得諮詢專業電工師傅獲取建議，以確保選擇嘅電制面板符合你嘅需求同規格，並且可以安全可靠咁運行。最後當然係入嚟我哋商店揀下襯下啦。
Comments