喺裝修工程中，電掣位通常報價都唔太清晰，而且行內亦無劃一電掣位收費標準，所以當你打算為你嘅屋企裝修換電掣，都唔知要預幾多budget。
如果遇到某啲遮遮掩掩嘅裝修公司，後加數隨時好驚人，隨時一下子失預算。
以下落嚟呢篇文章就教你做個精明消費者，一齊學下電掣位點樣計。
掣位數目3種計算方法：
計法一：只計開關數目
依個方法只計燈掣唔計燈，計「開關」數目，而唔係電掣面板數目，即係有多少「粒」掣，就有幾多個電掣位，亦係三種方法之中計算電掣位數目最少。
計法二：掣面板 + 燈數目
依個計法係計電掣面板加燈嘅數目。即係計算喺牆身同天花開「窿」嘅數目，如果客廳有一盞天花吊燈同一個掣面板，燈一般計0.5個掣位，掣計1個電掣位，一共等於有1.5個掣位。
計法三：電線接駁點
依個計法係三種計法之中計得最盡，由電箱拉線到燈掣，連同電線接駁點都一併計算，即係開關加燈數目嘅總和。
俾埋小貼士你：以2023年現時為止，一個掣位價格由$750至$1000不等，而孖蘇係當1.5個掣位計，燈曲就當1.5個或2個掣位㗎，所以記得小心檢查報價單上嘅收費，做個精明消費者！今日講住咁多先，想keep住知道更多關於電掣/ 家居裝修小知識，記得follow我哋Facebook Page，留意定期嘅裝修知識啦！
Commentaires