雖然大家都知道燈掣只係一個簡單嘅開關，有時用喺燈，有時候用喺一啲低負荷嘅電器，好似抽氣扇咁。
然後你去網店諗住買啦，會發現燈掣仲分開兩種，唔知買邊種好。
呢兩種就係「單控」、「雙控」喇！
呢篇網誌就介紹返燈掣嘅基本知識同行內術語，等你知道自己要買點啲乜啦。
單控，英文稱為1Way。
意思就係一盞(或一組)燈，只可以由同一個燈掣去控制開閂。
呢種燈掣，全屋嘅燈都啱用，尤其廁所燈、廚房燈、書房燈幾乎一定係用佢。
雙控，英文稱為2Way。
行內稱為Two，或者用中文字「吐」(發音”滔”)。
意思就係一盞(或一組)燈，可以同時由兩個燈掣去控制開閂。
呢種燈掣，通常嘅用法例如：
1）廳燈燈掣同時裝喺玄關同廳，方便入屋就開燈，臨瞓唔使走去玄關熄燈摸黑入房。
2）房燈燈掣同時裝喺門口同床頭，方便唔使落床熄燈。
值得一提嘅係，雙控燈掣同時兼容單控功能，就算將雙控燈掣裝喺只需要單控嘅燈度，亦都唔影響操作。
而因為單控同雙控燈掣外表完全一樣，都唔係影響設計嘅一致性。
單控同雙控燈掣嘅分別只在於單控有2個接線位，而雙控係有3個接線位嘅。
燈掣款式五花八門，想揀到自己中意嘅款式，記得嚟我哋網店睇下啦，折扣價發售㗎！
Comments