色溫可以好深奧，但係簡單啲講，就係「光線嘅顏色」，以K做單位，英文叫做Color Temperature。
而色溫數值越低，所呈現嘅燈光顏色就越黃；數字越高，光線就越白。
例如室內照明常見嘅色溫就有2700K、3000K、4000K、6500K。
大家可以参考下下面幅圖。
然後你應該會問，咁用咩色至好呀？？？
．選用2700K、3000K，即係黃光嘅話，比較有情調，黃光一般畀人一種溫馨嘅感覺，可以營造一個鬆弛舒服嘅環境，最適合用喺睡房醞釀睡意，或者客廳嘅裝飾燈。
．選用6500K，即係白光嘅話，光線感覺比較充足，望落會比較精神，最適合用喺書房嘅閱讀燈。
．選用4000K嘅話，或者叫做米光，係近期大家比較中意嘅色溫，因為界乎中間，唔太白又唔會太黃，適合全屋嘅主燈。
不過當然啦，照明係一門藝術，冇話一定點先好，如果發揮創意，有時仲會有意想不到嘅效果添！
得閒嚟我哋網店睇下有咩照明用品適合你屋企啦～～～
Comentários