你可能會話，你驚淘寶搶你生意，實會叫人唔好買淘寶啦。
其實我都係淘寶用家，成日都會喺淘寶買嘢，只要理解當中嘅細節同接受當中嘅風險，我絕對支持喺淘寶買任何嘢。
喺淘寶買燈掣，你可以Search關鍵字「開關」，你會搵到超多唔同款式嘅燈掣開關，其實呢啲同香港係通用嘅，因為大陸同香港都係行220V電壓，用開標準86型電制。
如果你要搵插座，就用關鍵字「英規86插座」，因為大陸行扁腳同八字腳，同香港唔同，所以你一定要用搜尋英規先啱用，不過款式選擇比較少。
諗住喺淘寶買，都係諗住買得平啲啫，就等我哋睇下價錢係點啦！
首先對比下同款產品，我哋見到淘寶嘅施耐德官方旗艦店有賣而家施耐德嘅新款—奐尚系列（大陸稱繹尚），以2022月12月價錢，100港幣兌90人仔計。
奐尚白色3位單控燈掣：
淘寶賣：¥52人仔 ≈ $60港幣
我哋賣：$96港幣
淘寶每隻平咗$36，差異好似都唔少，不過價錢未計運費，依家人仔平返，如果2月高位嗰陣，差異又會再細啲。
奐尚白色孖位插座有掣：
淘寶賣：¥150人仔 ≈ $170港幣
我哋賣：$170港幣
價錢幾乎一樣，如果人仔貴返啲，連埋運費，其實我哋賣得仲平過淘寶。
奐尚白色孖位插座有掣帶USB：
淘寶賣：¥632人仔 ≈ $710 港幣
我哋賣：$630港幣
我哋賣得平過淘寶成$80一隻，都仲未計連費。
一間屋嚟講，插座通常多過燈掣，既然插座冇平到甚至貴咗，似乎又冇乜著數。
咁既然喺淘寶買返大牌子唔平得多喇，買國產牌子又點先？
又同你睇睇吖。
求其喺淘寶Search「開關」，搵到呢隻叫做公牛牌電制，兩位雙控燈掣承惠¥20.5人仔(≈$23港幣)，好似好平喎！因為奐尚白色兩位雙控香港賣成$90！
不過其實你要平，Schneider嘅元雅系列兩位雙控燈掣我哋都只係賣$25啫。
又或者你鍾情國產牌子，又想要隻靚靚地有設計，我哋代理嘅國產俊朗牌子曲韻系列咁啱都只係$25。
除此之外，其實仲有個好少人提到嘅點。
喺香港買嘅行貨，無論係國際大牌子定係大陸牌子，製造廠都係以銷往香港嘅要求標準去做，通常都係跟英國BS標準或者國際IEC標準，而銷往大陸嘅貨，通常係跟國標GB標準嘅，所以銷往唔同市場嘅貨，製程參數至最後成品質素有明顯出入都唔出奇。
以奐尚白色3位單控燈掣為例：
香港行貨跟IEC 60669-1同BS EN 60669-1
根據淘寶嘅資料顯示大陸貨係跟GB2099.1
不過係唔係話跟啲咩標準就一定好啲，耐用啲，實冇衰呢，我哋相信冇人會保證到。不過講到要24小時接通電源嘅嘢，始終安全先係最緊要，因為導電性能、絕緣强度不足引起嘅後果可以好嚴重，起碼touchwood有咩起事上嚟，保險公司唔會話你用咗啲唔合格嘅材料而唔保障發生嘅意外先啦。
所以結論就係……自己衡量嚕！
嚟我哋網店參考更多又平又靚嘅電制啦！
Comments