施耐德嘅電制款式設計非常多樣化，特色各異，無論係做日系無印風、簡約風、奢華風、定係工業風，都實有一款襯得到你嘅設計。
施耐德嘅電制有成10個系列，當中嘅呢6隻係其中嘅主流，分別係AvatarOn C、AvatarOn、PIENO、NEO、ZENcelo、Vivace、經典Clipsal系列，亦都係我哋嘅網店就做齊呢6隻系列，而淨低嘅係Ultimate、ULTI、Unica系列。
10個系列各有賣點。
AvatarOn C特色：
無邊框直角設計，完美呈現幾何風格；
啞面表面，唔同角度下呈現同樣視覺效果，輕易隱藏瑕疵污跡；
超大㩒手，手感一流；
Logo喺右下角，以凸字形式低調融入設計；
呢隻奐然AvatarOn C系列掣面，係施耐德最新出品嘅系列，
設有3種顏色：白、沉醉金、石墨灰。
AvatarOn特色：
無邊框、圓角、底部橫邊幾何設計、燈掣內置LED指示燈；
除咗白黑金色，仲有木紋；
AvatarOn係將無邊框設計引入香港電掣市場嘅款式之一，可以話係先驅，其後Legrand、MK、Hager等等嘅大牌子都相繼引入無邊框款式，令到無邊框設計嘅電掣由2018年開始成為香港主流款式，時至今日，仍然係唔少人嘅首選。
適合日系風、現代簡約風、北歐風。
PIENO特色：
超薄邊框、小角度弧邊、按壓窄幅度、燈掣無指示燈；
除咗白黑金，仲有隻市面少見嘅薰衣草銀；
PIENO嘅超薄邊框，按壓窄幅度締造嘅超爽手感，都令PIENO系列成為熱門款式。
適合日系風、現代簡約風、北歐風。
NEO特色：
有邊框、橫向按鍵、特別拼色設計、燈掣內置LED指示燈；
有白色同銀灰色；
NEO嘅幾何同拼色設計，令電掣走型格高檔路線，經常出現喺豪裝設計。
適合酒店風、奢華風、古典風。
ZENcelo特色：
有邊框、橫向按鍵、燈掣無指示燈；
平面按壓回彈，有別於傳統翹板開關；
有白色同古銅色，其中嘅古銅拼色非常特別，多咗份貴氣；
適合酒店風、工業風、奢華風。
Vivace特色：
直角邊框、極簡外型、燈掣無指示燈；
只有白色；
價錢經濟，特別適合用於極簡主義或唔見光位置。
經典Clipsal特色：
經典細粒燈掣款、燈掣無指示燈；
只有白色；
價錢經濟耐用，特別適合用於普通裝修或唔見光位置。
Ultimate爵尚特色：
金屬面板、細粒燈掣、燈掣無指示燈；
襟刮襟撞、極致防護；
有白色、珍珠色、不銹鋼色、黑色；
適合工業風。
ULTI特色：
細粒燈掣款、燈掣內置LED指示燈；
有白色、銀色、金色、拉絲金屬、玻璃面；
屬於高端款，可以配合軟硬件實現遙距控制。
適合奢華風。
Unica特色：
直角邊框、燈掣無指示燈；
邊框顏色豐富、可自由配搭；
適合特別設計。
施耐德電掣有咁多個款式真係花多眼亂㗎，不過總結嚟講，揀電制面板最重要就係要搵到一隻適合自己設計感覺嘅款式，呢方面，大家可以試下我哋網站嘅配色系統，試下配上唔同嘅油漆、傢俬顏色之後，你嘅電制應該用邊隻款至好睇！
Comments