2022年12月23日

插座需唔需要買有USB 插口？

依家幾乎大部份電子用品都係行USB叉電，所以電制面板製造商為咗配合市場需要，近幾年都出咗啲插座係有埋USB插口方便大家使用，好似下列嘅產品咁。

咁究竟需唔需要買有USB 插口嘅插座呢？或者問，究竟值唔值得買呢？

首先了解多啲依家市面上見到嘅USB電制面板先啦。

其實大致上可以咁樣分類：

1）有冇插座

你會搵到一啲冇插座，一啲有插座。

有插座嘅話，大部份都係標準英規13A插座，通常都會有獨立開關控制返個插座，有少部份會有粒開關控制個USB。

冇插座嘅話，就淨係得USB插口，少咗插其他電器嘅功能。

理論上輸出越大越好，因為無論佢提供幾多個插口畀你都好，呢啲USB位嘅輸出A數都係以總數計。

例如比較常見嘅A數係2A左右，插一部機嘅話嗰部機就可以以理論值5V2A(10W)叉電，但係兩部機同時叉電嘅話，其實每部機只係食到1A，變相兩部都會叉得比較慢。

有啲新款啲嘅係行3A，有啲再勁啲嘅行到4A，咁就就算同時叉兩部機都唔至於叉得太慢。

不過並唔係話輸出4A，你叉一部機就可以用4A叉電，其實仲要視乎下面呢個因素。

依家主流快充有兩個標準： QC同PD。

有時會用圖示表達，上圖左邊圖示代表PD，右邊圖示就代表QC。

如果有以上圖示或標記，又有18W以上功率，好多時候就代表呢個USB制面做到快充。

（有時有PD圖示但係唔知幾大功率，QC又要分第幾代，你部機又要睇下支唔支援到，從而影響你嘅快充究竟可以去到幾快）

不過當兩個USB插口同時插嘅話，好多時候都做唔到兩部同時快充嘅。

其實有USB嘅插座一般會比冇USB嘅插座貴唔少，好似丰尚系列嘅13A英式插座有開關只係賣$48，但係有埋USB嘅話就要去到$280。

不過兩個USB插口再加一個英式插座，做到嘢隨時等於一個3位嘅排蘇，方便咗唔少。

而且全屋要用USB嘅位置不外乎你張書枱或者床頭，斷估你廚房用唔著掛。

畀多咗嘅價錢幾乎唔影響你成單裝修嘅預算。

至於快充方面，有就當然好啦，不過快充技術改變得好快，依家啲USB插座用緊QC3.0，但其實出面啲新機已經講緊QC5.0嚕，

其實諗深一層，我自己都真係冇幾何需要叉咁快，喺得屋企放喺枱面叉閒閒地叉兩個幾鐘，真係有需要快充嘅，反而係嗰啲商場、餐廳、機場呢啲畀人叉電應急嘅地方。

所以如果我自己裝修，我諗我會試下裝有USB嘅插座，或者呢款奐尚石墨灰孖蘇USB，提供到21W PQ快充，又可以試下用黑色電制襯下自己間屋嘅設計。

嚟我哋網店參考更多款式嘅USB電制啦！