我個人幾中意佢嘅圓角設計，佢有白色、金色、黑色、木紋色揀，其實都幾百搭，尤其依家裝修興日系無印風、北歐風，襯落去個感覺都唔錯。
不過靚唔靚呢啲嘢可以好個人，但係價錢嚟講唔算貴，執晒成屋電制都只係3千幾4千蚊（400呎）。
易裝易拆，師傅都唔會投訴難做，所以結論嚟講係幾好用。
外觀靚唔靚仔？
頭先提過嘅圓角設計。下面有條邊線點綴，牌子名就喺右下角，算係簡約得嚟有啲嘢睇。
無印風、簡約風、北歐風、或者特別啲嘅日式禪風應該都好襯。
燈掣嘅話，佢有粒指示燈由呢條罅度滲出嚟，做到夜晚引路嘅效果又唔會太光瞓覺𥋇眼。
手感點樣？好唔好㩒？
㩒手位超大，易㩒，唔會太實又唔會太鬆，手感唔錯，聲音清脆。
咩價錢？買全屋要幾錢？
以白色為例，由最平嘅1位燈掣$44，到雙位20A雙極開關$175。
呢個價錢算係香港電制市場常見嘅價錢，唔太平、唔太貴，400呎單位執晒全屋電制通常都只係3千幾4千蚊，不過揀金色、黑色會再貴少少。
功能 | 白色價錢 | 金色、黑色價錢 |
燈掣(1位-4位2Way) | $47-140 | $62-176 |
插座(單蘇-孖蘇有開關) | $42-164 | $60-199 |
雙極開關(20A單位-雙位) | $124-$173 | $154-$225 |
接線蘇(13A-25A) | $87-122 | $104-144 |
總結 | $42-173 | $60-225 |
執晒全屋(400呎單位) | $3xxx-4xxx | $4xxx-5xxx |
功能齊唔齊全？
除咗以上提過嘅基本電制，大Amp數燈曲、大Amp數接線蘇、電視、寬頻、光暗掣、USB蘇、15A圓腳插座等等功能嘅電制都有齊。
耐唔耐用？會唔會好快壞？
拆開燈掣嘅面蓋，我哋發現呢隻腳好長，槓桿原理理論上會令到長腳更易斷裂，不過佢隻腳造得超級粗，睇落強度足夠應付。
銅材質量冇辦法肉眼睇，不過暫時冇收到發熱、燒熔、起火花嘅報告，相信質量有保證。
有冇缺點？
其實都有！下面有條裝飾嘅邊線雖然幾靚，但係我嘅個人使用習慣中意用手以外嘅方式開燈，尤其啱啱返到屋企雙手拎住嘢嗰陣，我中意用個身撞埋去開燈，如果多咗條邊就做唔到嚕，因為條邊會頂住你（純粹奇怪嘅個人使用習慣🤣）
仲有啲咩特別賣點？
可以upload一啲個人化嘅圖案去快圖美個網，畀少少錢之後，幾日之後佢會畀一個打印咗圖案之後嘅燈蓋你，你只要將自己屋企舊嗰個拆落嚟裝上去就得。
唔實用，但係幾得意。
我自己都印咗屋企隻貓瞓覺個樣上去（貓奴壞習慣🤣）
可以邊度買？
Schneider呢啲大牌子相信各大電工材料鋪都有賣，當然我哋位於新蒲崗嘅彩星電業門市亦都有現貨啦！亦都有塊大展示板畀你睇到實物。
如果想喺網店輕輕鬆鬆買齊成間屋嘅電制，亦都可以嚟我哋嘅網店逛逛，現貨折扣價發售㗎！
Comments